Að sitja uppi með gamla traktora

Um miðjan síðasta áratug var Íslenska Kvikmyndasamsteypan í blóma, að því er virtist. En á nokkura ára tímabili tóku stjórnendur fyrirtækisins, þeir Friðrik Þór Friðriksson og Ari Kristinsson, svo margar rangar ákvarðanir að fyrirtækið safnaði gríðarlegum skuldum sem og varð því loks að falli fyrr á þessu ári. Samt sem áður fékk það árlega innspítingu af almanna fé og vel umfram það sem aðrir sáu. Og engu líkara en að skrifstofa fyrirtækisins væri með starfsmenn sem hefðu það að starfi að rægja þá sem ekki sátu eða stóðu einsog þessir herramenn vildu. Fáir eða engrir íslenskir kvikmyndagerðarmenn sem þá störfuðu í faginu munu gleyma því rugli sem var í kringum þetta fyrirtæki. Engrir í sögu greinarinnar eru ábyrgir fyrir eins mikillri skuldasöfnun og þessir tveir drengir og sem lagði viðskiptavild alls fagsins nánast í rúst.
En þegar nefnd á vegum menntamálaráðuneytisins um gerð reglugerðar fyrir Kvikmyndamiðstöð Íslands tók til starfa á árinu 2002, var þar samt að finna Ara Kristinsson. Í upphafi nýrrar Kvikmyndamiðstöðvar Íslands var skipað Kvikmyndaráð, og þar voru þeir mættir, Friðrik Þór og Ari Kristinsson. Kvikmyndaráð á að vera ráðgefandi og leggja fyrir menntamálaráðherra tillögur hvað varða málefni fagsins og mæla með forstöðumanni. Og innan við sex mánuðum eftir að ný reglugerð tók gildi fékk deyjandi fyrirtæki Friðriks Þórs milljón dollara vilyrði úr Kvikmyndsjóð, og Ari Kristinsson úthlutaðar og greiddar 3 milljónir í einhverskonar undirbúningsstyrk. Hvorutveggja frá forstöðumanninum sem þeir mæltu með. Á þessa stutta tímabili frá sumri 2002 fekk hinn armurinn af þessari gömlu kynslóð, það er Kvikmyndafélagið Umbi 35 milljónir til að gera mynd sem vægast sagt orkar tvímælis að hafi átt að framleiða, og Hrafn Gunnlaugsson 22 milljónir til að búa til digital mynd fyrir sjónvarp. Ef guð lofar fer ný kynslóð kvikmyndagerðarmanna ekki að lofa eða þakka fyrir það sem við sitjum uppi með. En kvikmyndaráð, sem á að vera ráðgefandi, hefur varla hists frá því ákvörðun um ráðningu forstöðumanns var tekin þrátt fyrir að reglugerð hafi verið endurskoðuð, svo ekki sé meira sagt.